ខ្សែបម្រើ Nicolo Fagioli របស់ Juventus អាចនឹងត្រូវបានហាមឃាត់មិនឱ្យលេងបាល់ទាត់រយៈពេល ៣ ឆ្នាំ
តារាឆ្នើមរបស់ក្លឹប Juventus កីឡាករ Nicolo Fagioli ត្រូវបានរាយការណ៍ថា កំពុងស្ថិតក្រោមការស៊ើបអង្កេតនៅក្នុងប្រទេសអ៊ីតាលី ជុំវិញការភ្នាល់លើកម្មវិធី ឬ វេបសាយ (platforms) ខុសច្បាប់។
Nicolo Fagioli ប្រឈមមុខនឹងការហាមឃាត់មិនឱ្យលេងបាល់ទាត់ រហូតដល់រយៈពេល ៣ឆ្នាំ ប្រសិនបើត្រូវបានរកឃើញថានេះជាការពិត។
យ៉ាងណាមិញ យោងតាមរបាយការណ៍របស់អ៊ីតាលី Fagioli អាចត្រូវបានបញ្ឈប់ក្នុងពេលឆាប់ៗនេះ ដោយការិយាល័យព្រះរាជអាជ្ញានៃទីក្រុង Turin ដែលបច្ចុប្បន្ននេះ កំពុងត្រួតពិនិត្យមើលការចោទប្រកាន់ដោយគ្មានភស្តុតាងនេះថា គាត់បានភ្នាល់លើហាងអនឡាញដែលគ្មានអាជ្ញាប័ណ្ណ។
សូមបញ្ជាក់ថា Fagioli វ័យ ២២ឆ្នាំ បានចូលរួមជាមួយJuventus កាលពីឆ្នាំមុនបន្ទាប់ពីខ្ចីជើងពី Cremonese ក្នុងឆ្នាំ ២០២១-២២ ហើយបានក្លាយជាកីឡាករដ៏សំខាន់សម្រាប់គ្រូបង្វឹក Max Allegri៕
ព័ត៌មានទាក់ទង
៣០ឆ្នាំមុន ថ្ងៃនេះ៖ វីរៈបុរស René Higuita ធ្វើឲ្យពិភពលោកភ្ញាក់ផ្អើល
វិភាពការប្រកួតរវាង អាម៉ានៀ vs ព័រទុយហ្កាល់
