លោក​ Erik Ten Hag កំពុងសម្លឹងមើលពីការនាំយកកីឡាករសញ្ជាតិហុល្លង់ម្នាក់ទៀតមករួមក្រុម ក្នុងគោលបំណងពង្រឹងក្រុមរបស់គាត់បន្ថែមទៀត។

​Manchester United ក៏កំពុងតាមមើលខ្សែបម្រើរបស់ AC Milan កីឡាករ​ Tijjani Reijnders បន្ទាប់ពីពេលថ្មីៗនេះ លោក Erik ten Hag រងការរិះគន់ចំពោះបរិមាណអតីតកីឡាករមកពីលីគរបស់ហុល្លង់ ដែលគាត់បានចុះហត្ថលេខា។ 

Reijnders ជាកីឡាករល្អមួយរូប​ ដោយធ្លាប់លេងឱ្យ AZ Alkmaar របស់​ហុល្លង់៥រដូវកាល មុនពេលចូលរួមជាមួយ AC Milan នៅរដូវក្តៅនេះ ហើយត្រូវបានបញ្ចូលជាកីឡាករកំពូលកម្រិតអន្តរជាតិ។ 

ខ្សែបម្រើរូបនេះ ទទួលបានការចាប់អារម្មណ៍ខ្ពស់បន្ទាប់ពីការបង្ហាញខ្លួន ១០ប្រកួត សម្រាប់ AC Milan ហើយកំពុងតែមានទំនាក់ទំនងជាមួយនឹងការផ្លាស់ប្តូរមកកាន់ទឹកដី Old Trafford៕