ខ្សែបម្រើ Youssouf Fofana របស់ Monaco ត្រូវបានគេរាយការណ៍ថា កំពុងត្រូវបាន Manchester United កំណត់គោលដៅដោយមើលឃើញថា កីឡាករអន្តរជាតិបារាំងរូបនេះ ជាកីឡាករជំនួសតំណែង Casemiro ។

Casemiro បានស៊ូទ្រាំនឹងរដូវកាលដ៏លំបាកមួយមកទល់ពេលនេះ ក្នុងនាមជាខ្សែបម្រើរបស់ Man Utd ហើយកីឡាករវ័យ៣១ឆ្នាំរូបនេះ ត្រូវបានដកចេញពីក្រុមរហូតដល់ឆ្នាំថ្មី ដោយសារតែបញ្ហារបួស។

របាយការណ៍មួយនៅក្នុងកាសែត Manchester Evening News បានបង្ហាញថា ក្រុមរបស់ Erik ten Hag កំពុងរក្សាការចាប់អារម្មណ៍លើខ្សែបម្រើវ័យ២៤ឆ្នាំ Fofana ។

ចំណែកការចុះផ្សាយជាភាសាបារាំងរបស់​ RMC Sport ដែលរៀបរាប់ពីចំណាប់អារម្មណ៍ពី United លើ Fofana នៅពេលដែលពួកគេបន្តស្វែងរកជម្រើសសម្រាប់ពួកគេ។ កីឡាករវ័យ២៤ឆ្នាំរបស់ AS Monaco មានតម្លៃប្រហែល​២៥លានអឺរ៉ូ៕