បិសាចក្រហម​ Manchester United មានកីឡាករ១០នាក់ កំពុងរងរបួស ហើយ Erik ten Hag នឹងបែកញើសខ្លាំង សម្រាប់ការប្រកួតខាងមុនទល់នឹង Everton​។ 

នោះគឺបន្ទាប់ពីកីឡាករសំខាន់ៗ ពីររូប Marcus Rashford និង Andre Onana បានរងរបួសអំឡុងពេលការសម្រាកអន្តរជាតិនេះ។ 

Rashford បានចូលលេង​ក្នុងការប្រកួតរវាង​ England និង​ Malta រយៈពេលប្រហែលមួយម៉ោងប៉ុណ្ណោះ​ បន្ទាប់ពីការប៉ះទង្គិចគ្នាយ៉ាងខ្លាំងជាមួយមិត្តរួមក្រុម Trent Alexander-Arnold ហើយគាត់ត្រូវបានប្តូរចេញជំនួសដោយ Cole Palmer​ ។ 

អ្នកចាំទី Onana មិនអាចមើល​ Cameroon ឈ្នះ​ Mauritius ៣-០​ ពេលបញ្ចប់ការប្រកួតបានទេ​ ដោយបន្ទាប់ពីត្រូវបានត្រួតពិនិត្យដោយក្រុមគ្រូពេទ្យ គាត់បានដើរចេញពីលើទីលានប្រកួតដោយទឹកមុខមិនល្អ៕