តារាឆ្នើមវ័យក្មេង Caylan Vickers របស់​ Reading ត្រូវបានកំណត់ថា នឹងផ្លាស់ប្តូរទៅចូលរួមជាមួយ Jude Bellingham នៅ Real Madrid ។

ខ្សែ​ប្រយុទ្ធ​វ័យ ១៨​ ឆ្នាំ​បាន​ក្លាយ​ជា​កីឡាករដ៏ល្អរបស់ Reading ក្នុង​ខែ​កក្កដា ហើយបាន​បង្ហាញ​ខ្លួន​ជា​លើក​ដំបូង​ក្នុងជំនួបជាមួយ Peterborough United ក្នុង​ខែ​សីហា។

នៅក្នុងការផ្លាស់ប្តូរដ៏គួរឱ្យភ្ញាក់ផ្អើលមួយ Real Madrid បានឈានមុខដាច់ Arsenal បន្ទាប់ពីបានបើកកិច្ចពិភាក្សាជាមួយ Reading នៅសប្តាហ៍នេះ​ អំពីការផ្លាស់ប្តូរខែមករាសម្រាប់កីឡាករក្មេងជំទង់ដែលមានទេពកោសល្យរូបនេះ។

Reading ចង់បាន ១ លានផោន​ បូកនឹងភាគរយនៃកិច្ចព្រមព្រៀងលក់មួយនាពេលអនាគត។

Madrid មានបំណងដាក់ Vickers ក្នុងក្រុម B របស់ពួកគេគឺ​ Real Madrid Castilla រហូតដល់គាត់ត្រៀមខ្លួនដើម្បីចូលរួមជាមួយ Bellingham ក្នុងឈុតធំ៕