Van de Beek វ័យ២៦ឆ្នាំ បានប្តូរទៅលេងនៅ Eintracht Frankfurt ដោយលក្ខខណ្ឌខ្ចីជើង​ ដែលចំណាយពេលត្រឹមតែ១២ម៉ោងដំបូងប៉ុណ្ណោះ នៃទីផ្សារដោះដូរកីឡាករខែមករា។

សូមបញ្ជាក់ថា​ Van de Beek​ បានបង្ហាញខ្លួនត្រឹមតែ២១នាទីប៉ុណ្ណោះ ក្នុងរដូវកាលនេះសម្រាប់ក្រុមបីសាចក្រហម។ 

ហើយភាគី Bundesliga មានជម្រើសដើម្បីធ្វើកិច្ចសន្យាជាអចិន្ត្រៃយ៍ លើ​កីឡាករសញ្ជាតិហូឡង់រូបនេះ នៅចុងបញ្ចប់នៃរដូវកាលនេះ​។ 

គេយល់ថាតម្លៃដែល​ United នឹងទទួលបានគឺប្រហែល ៩.៥​លានផោន ជាមួយនឹងអត្ថប្រយោជន៍បន្ថែមដែលអាចកើនឡើងដល់ ១២ លានផោន។

ហើយក្រុមបិសាចក្រហមខាតបង់ទឹកប្រាក់ប្រហែល ៣០លានផោន លើខ្សែបម្រើរូបនេះដែលបានប្តូរពី Ajax ក្នុងតម្លៃ ៤០លានផោនក្នុងឆ្នាំ២០២០៕