Bayern Munich បានបើកការពិភាក្សាពីលោក Xabi Alonso អំពីលទ្ធភាពដែលគ្រូបង្វឹករបស់ Bayer ​Leverkusen រូបនេះ ​ផ្លាស់មកកាន់​ Bayern ដើម្បីជំនួសតំណែងលោក Thomas Tuchel នៅចុងបញ្ចប់នៃរដូវកាលនេះ។​ 

Alonso ត្រូវបានរំពឹងថា គឺជាគោលដៅគ្រូបង្វឹកដែលមានតម្រូវការដ៏ក្តៅគគុក នៅចុងបញ្ចប់នៃរដូវកាលនេះ ដោយបច្ចុប្បន្ន​ Leverkusen ក្រោមការដឹកនាំរបស់គាត់ នៅតែមិនទាន់ស្គាល់ចាញ់នៅឡើយ​ ហើយពួកគេខិតជិតដល់ការឈ្នះពាន Bundesliga ស្របពេលដែល Liverpool និង Bayern មានការចាប់អារម្មណ៍​ជាខ្លាំងលើគ្រូបង្វឹកសញ្ជាតិអេស្ប៉ាញរូបនេះ។

Alonso ត្រូវ​បាន​ Bayern កំណត់ជា​បេក្ខភាព​ពេញ​ចិត្ត​របស់​ក្លឹប ​ដើម្បី​ជំនួស​តំណែងលោក Tuchel បន្ទាប់ពីក្រុម​របស់​គាត់ ​ដេញតាមពីក្រោយ Leverkusen ក្រោមការដឹកនាំរបស់ Alonso ដល់​ទៅ ១០ ពិន្ទុ​ក្នុង​តារាង​។

Leverkusen តាមមើលទៅ នឹងបញ្ចប់​ការគ្រងតំណែងជើងឯកក្របខ័ណ្ឌកំពូលអាឡឺម៉ង់ រយៈពេល ១២ឆ្នាំរបស់ Bayern និងឈ្នះ​ជើងឯក​ Bundesliga ជាលើកដំបូង ដោយក្រោមការដឹកនាំរបស់ Alonso៕