Real Madrid នឹងបដិសេធមិនចូលរួមការប្រកួត Club World Cup

អ្នកចាត់ការក្លឹប Real Madrid លោក Carlo Ancelotti បាននិយាយថា ក្លឹបនឹងបដិសេធមិនចូលរួមក្នុងការប្រកួត Club World Cup ថ្មីរបស់ FIFA នៅរដូវក្តៅក្រោយទេ ដោយលើកឡើងថា រង្វាន់លើកទឹកចិត្តមានចំនួនតិចតួច។

Club World Cup គ្រោងនឹងប្រព្រឹត្តទៅនៅសហរដ្ឋអាមេរិក ក្នុងខែមិថុនា និងខែកក្កដា ឆ្នាំ២០២៥ ក្នុងនោះមានក្រុមចំនួន ៣២ ចូលរួម ដែលមកពីទ្វីបអាហ្រ្វិក អាស៊ី អឺរ៉ុប អាមេរិក និងអូសេអានី។

ឈ្នោះក្រុមសរុប ២៩ ក្នុងចំណោម ៣២ ត្រូវបានបំពេញរួចរាល់ហើយ រួមជាមួយ Real ក៏មានសិទ្ធិចូលរួម ដោយសារការឈ្នះពាន Champions League នៅឆ្នាំ ២០២២ និង ២០២៤។

ទោះបីជាយ៉ាងណាក៏ដោយ នៅក្នុងបទសម្ភាសន៍ជាមួយកាសែតអ៊ីតាលី il Giornale កាលពីថ្ងៃចន្ទ លោក Ancelotti បាននិយាយថា Real រួមជាមួយនឹងក្លឹបផ្សេងទៀតដែលមិនបញ្ចេញឈ្មោះ មិនមានគម្រោងចូលរួមការប្រកួតនោះទេ។

លោក Ancelotti បន្តថា “កីឡាករ និងក្លឹបនឹងមិនចូលរួមក្នុងការប្រកួតនោះទេ។ “មួយប្រកួតរបស់ Real Madrid មាន តម្លៃ ២០ លាន អឺរ៉ូ ហើយ FIFA ចង់ ផ្តល់ ឱ្យ យើង នូវ ចំនួន នោះ សម្រាប់ ការ ប្រកួត ទាំង មូល។

"ក៏ដូចពួកយើងដែរ ក្លឹបផ្សេងទៀតនឹងបដិសេធការអញ្ជើញ"។

FIFA Club World Cup ដែលបានកែលម្អថ្មី គឺជាគំនិតផ្តួចផ្តើមរបស់ស្ថាប័នគ្រប់គ្រងបាល់ទាត់ពិភពលោក ខណៈដែលពួកគេមានបំណងចម្លងភាពជោគជ័យនៃការប្រកួតរបស់ក្លិបដូចជា Champions League និង Copa Libertadores ។

ការប្រកួត Club World Cup លំនាំចាស់ គឺធ្វើឡើងនៅប្រទេសអារ៉ាប៊ីសាអូឌីតក្នុងខែធ្នូ ឆ្នាំ២០២៣ ដែលមានក្រុមចំនួន ៧ ប៉ុណ្ណោះចូលរួម ហើយ Manchester City ជាក្លឹបដែលឈ្នះពាននេះ បន្ទាប់ពីផ្តួលក្រុមប្រេស៊ីល Fluminense ក្នុងវគ្គផ្តាច់ព្រ័ត្រ៕

ព័ត៌មានទាក់ទង

ក្លិប Borussia Dortmund ចំណាយប្រាក់ ២៧លានអឺរ៉ូ ដើម្បីនាំយកខ្សែប្រយុទ្ធ Fabio Silva របស់ក្លិប Wolves​

ក្លិប Borussia Dortmund ចំណាយប្រាក់ ២៧លានអឺរ៉ូ ដើម្បីនាំយកខ្សែប្រយុទ្ធ Fabio Sil...​

ព្យាករណ៍ការប្រកួត La Liga: Real Oviedo vs Real Madrid​

ព្យាករណ៍ការប្រកួត La Liga: Real Oviedo vs Real Madrid​

ព្យាករណ៍ការប្រកួតរវាង Fulham vs Manchester United​

ព្យាករណ៍ការប្រកួតរវាង Fulham vs Manchester United​

ចូលទៅកាន់ ហ្វេសបុកផេកពួកយើង

ទំព័រដើម ផ្សាយផ្ទាល់ ព័ត៌មាន ទំនាក់ទំនង