Matthijs de Ligt និង Noussair Mazraoui កីឡាករទាំងពីររូបរបស់ Bayern Munich កំពុងធ្វើដំណើរទៅពិនិត្យសុខភាព មុនពេលបញ្ចប់ការផ្លាស់ប្តូរទៅកាន់ Manchester United ។

កីឡាករទាំងពីររូបនឹងចូលរួមជាមួយក្រុមរបស់លោក Erik ten Hag នៅមុនរដូវកាលថ្មីនេះ ដោយ Aaron Wan-Bissaka ក៏ត្រូវពិនិត្យសុខភាពនៅថ្ងៃចន្ទនេះផងដែរ មុនពេលបញ្ចប់ការផ្លាស់ប្តូរទៅកាន់ West Ham ។

លោក Ten Hag មានគោលបំណងពង្រឹង តំបន់ការពាររបស់គាត់ ដែលបានជួបបញ្ហារបួសធ្ងន់ធ្ងរជាច្រើនកាលពីរដូវកាលមុន។

ដោយមិនមាន Luke Shaw ឬ Tyrrell Malacia ក្នុងការចូលរួមដណ្តើមពាន Community Shield ហើយគ្មានជម្រើសនោះ គាត់ត្រូវសម្រេចចិត្តដាក់ Facundo Pellistri ដែលជាកីឡាករលេងក្នុងទម្រង់ប្រយុទ្ធ មកដាក់ការពារ ដោយបានធ្វើឱ្យ Bernardo Silva អាចរកគ្រាប់បាល់តាមស្មើនៅចុងម៉ោង សម្រាប់ Manchester City នៅកីឡដ្ឋាន Wembley ។

លោក Ten Hag បាននិយាយកាលពីថ្ងៃសៅរ៍ថា United នឹងធ្វើការប្រកាសនៅពេលដែលពួកគេមានអ្វីចង់និយាយ។ ខ្ញុំមិនគិតថាពួកយើងនៅឆ្ងាយពេកទេ៕