ភ្នាក់ងាររបស់ Neymar ច្រានចោលព័ត៌មានពីការចូលរួមក្លិប Santos
ភ្នាក់ងាររបស់ខ្សែប្រយុទ្ធប្រេសុីល Neymar បានបដិសេធព័ត៌មានដែលបានលើកឡើងពីក្លិប Al-Hilal បញ្ចប់កិច្ចសន្យារបស់ខ្សែប្រយុទ្ធរូបនេះ ហើយយល់ព្រមទៅចូលរួមជាមួយក្លិប Santos វិញ។
ពាក្យចចាមអារ៉ាមបានកើតមានឡើងកាលពីថ្ងៃអាទិត្យជុំវិញក្លិប Santos បានសម្រេចនាំយក Neymar ទៅលេងនៅក្លិបកំណើតវិញ បន្ទាប់ពីបានចាកចេញអស់រយៈពេលជាង១០ឆ្នាំ។ កីឡាករត្រូវបានញាំញីដោយរបួសចាប់តាំងពីចូលរួមជាមួយក្លិបអារ៉ាប៊ីសាអូឌីត Al-Hilal។ ទោះបីជាយ៉ាងណា ភ្នាក់ងាររបស់ Neymar លោក Zahavi បានអះអាងថា ពាក្យចចាមអារ៉ាមថ្មីៗនេះមិនមែនជាការពិតទេ។
លោក Zahavi បាននិយាយថា ៖«មិនមានការពិភាក្សាណាមួយសម្រាប់ Neymar ជុំវិញការចាកចេញពីក្លិប Al-Hilal ឡើយ។ គាត់ស្ថិតនៅក្រោមកិច្ចសន្យា ហើយរីករាយណាស់នៅទីនោះ»។
រឿងនេះមិនទាន់ឈានដល់ការសន្និដ្ឋានណាមួយច្បាស់លាស់នៅឡើយទេ។ ចំណែក Neymar នៅតែមិនអាចលេងឲ្យក្លិប Al-Hilal ដោយសាររបួសសរសៃពួរជាថ្មីម្ដងទៀត៕
ព័ត៌មានទាក់ទង
PSG រៀបចំសំណើ ១០០លាន សម្រាប់តារារបស់ Barcelona
Álex Baena របស់ក្លឹប Villarreal អាចនឹងបញ្ចប់ការចុះហត្ថលេខាជាមួយ Atlético Madrid...
