តារាឆ្នើម Marcus Rashford របស់ក្រុមបិសាចក្រហម Manchester United មានគោលបំណងកាត់បន្ថយប្រាក់ឈ្នួល ប្រសិនបើរូបគាត់អាចភ្ជាប់ទំនាក់ទំនងជាមួយក្លឹបយក្សអេស្ប៉ាញ Barcelona ក្នុងរដូវកាលនេះ។

Rashford បានបើកចិត្តបើកបេះដូងលើការផ្លាស់ប្តូរទៅកាន់ក្លឹបយក្សអេស្ប៉ាញ ទោះបីជាមានការចាប់អារម្មណ៍ពី Borussia Dortmund, Arsenal និង Napoli ក៏ដោយ។

ប្រសិនបើគាត់អាចធានាបាននូវការផ្ទេរទៅកាន់ទឹកដី Nou Camp សម្រាប់រដូវកាលដែលនៅសល់នោះ ខ្សែប្រយុទ្ធអង់គ្លេសសុខចិត្តចរចាឡើងវិញនូវប្រាក់ខែរបស់គាត់ ប្រសិនបើវាជួយធានាការផ្ទេរជាអចិន្ត្រៃយ៍ទៅកាន់ Barca។

Rashford បានសារភាពថា គាត់អាចចាកចេញពីបិសាចក្រហម ពេលនិយាយទៅកាន់អ្នកកាសែត Henry Winter ថា "សម្រាប់ខ្ញុំផ្ទាល់ ខ្ញុំគិតថា ខ្ញុំត្រៀមខ្លួនរួចជាស្រេច សម្រាប់ការប្រកួតប្រជែងថ្មី និងជំហានបន្ទាប់ ហើយនៅពេលដែលខ្ញុំចាកចេញ វានឹងគ្មានអារម្មណ៍ពិបាកទៀតទេ៕"