Arsenal បានចាប់អារម្មណ៍លើ Sesko តាំងពីរដូវក្តៅមុន បើទោះបីជាការផ្លាស់ប្តូរពាក់កណ្តាលរដូវកាល នៅតែមានភាពស្មុគស្មាញ ដោយក្លឹប RB Leipzig មានភាពស្ទាក់ស្ទើរក្នុងការលក់កីឡាកររូបនេះ។

ទោះជាយ៉ាងណាក៏ដោយ ក្រុមកាំភ្លើងធំបានចាប់ផ្ដើមនាំមុខរួចទៅហើយ ក្នុងការតាមប្រមាញ់ខ្សែប្រយុទ្ធ ដែលមានតម្លៃខ្លួន ៧០លានផោន។

Sesko ត្រូវបានស្ថិតក្នុងគម្រោងរបស់ Arsenal កាលពីរដូវក្តៅមុន ដោយជ្រើសរើសក្រុមកាំភ្លើងធំ ជាជាង Chelsea និង United ប៉ុន្តែបានសម្រេចចិត្តបន្តស្នាក់នៅក្នុងប្រទេសអាល្លឺម៉ង់ គឺដើម្បីជំរុញការអភិវឌ្ឍន៍រយៈពេលខ្លីរបស់ខ្លួន។

កីឡាករសញ្ជាតិស្លូវេនី វ័យ ២១ឆ្នាំរូបនេះ បានស៊ុតបញ្ចូលទីចំនួន ៨គ្រាប់ និងបញ្ជូនបាល់ឱ្យមិត្តរួមក្រុមចំនួន ២គ្រាប់ក្នុងលីគ Bundesliga នៅរដូវកាលនេះ ក៏ដូចជាស៊ុតបញ្ចូលទីបាន ៤គ្រាប់ នៅក្នុងក្របខ័ណ្ឌ Champions League ផងដែរ។

Sesko រកបានគ្រាប់បាល់បានសរុបចំនួន ៣១គ្រាប់ក្នុង ៦៧ប្រកួត សម្រាប់ Leipzig ហើយបានឈ្នះពានរង្វាន់ Austrian Bundesliga ចំនួន ៣ដងក្នុងអំឡុងពេលដែលគាត់នៅ RB Salzburg៕