កូនភ្លោះទាំងពីរ Bailey និង Anton Palmer ត្រូវបានគេមើលឃើញថាជាកីឡាករវ័យក្មេងដ៏គួរឱ្យចាប់អារម្មណ៍បំផុតនៅក្នុងប្រទេស។  

ក្លឹបជាច្រេីននៅអង់គ្លេស ដែលមានដូចជា Chelsea, Tottenham, Aston Villa និង Brighton មានការចាប់អារម្មណ៍យ៉ាងខ្លាំងក្នុងការបញ្ចុះបញ្ចូល Bailey និង Anton Palmer ឱ្យចាកចេញពី Middlesbrough នៅរដូវក្តៅនេះ។

ហេីយបច្ចុប្បន្ន Chelsea បាននឹងកំពុងតាមដានយ៉ាងដិតដល់លើកីឡាករវ័យជំទង់ទាំងពីរ ខណៈដែលការប្រណាំងប្រជែងរវាងក្លឹបនៅ Premier League ចាប់ផ្តើមយ៉ាងក្តៅគគុក។

ទាំង Bailey និង Anton ត្រូវបានដាក់ឈ្មោះក្នុងក្រុម U17 របស់អង់គ្លេសនៅរដូវកាលនេះ ដែលបានបង្ហាញខ្លួន 4 ដងសម្រាប់ក្រុមតោកំណាចអង់គ្លេសផងដែរ។

ប៉ុន្តែ Bailey គឺជាកូនភ្លោះដែលបានទទួលបទពិសោធន៍ច្រេីននៅក្នុងក្រុមឈុតដំបូង ដែលមានឈ្មោះជាកីឡាករបម្រុងសម្រាប់ Middlesbrough ក្នុងជំនួបទល់និង West Brom, Preston និង Blackburn ៕