Paris Saint-Germain មានឆន្ទៈធ្វើឲ្យទីផ្សារមានការភ្ញាក់ផ្អើលជាថ្មីម្តងទៀត ជាមួយនឹងការផ្តល់ជូន ១០០លានអឺរ៉ូ សម្រាប់ Frenkie de Jong ។ លោក Luis Enrique ចាត់ទុកកីឡាករសញ្ជាតិហុល្លង់ ជាផ្នែកដ៏សំខាន់មួយក្នុងការពង្រឹងខ្សែបម្រើ និងបង្កើតជាក្រុមទាំងបីជាមួយនឹង Joao Neves និង Vitinha។

Barcelona តែងតែបង្ហាញពីចេតនាក្នុងការរក្សាអតីតកីឡាកររបស់ Ajax រូបនេះ ដែលជាកីឡាករដ៏សំខាន់មួយរូបក្នុងគម្រោងរបស់ Hansi Flick ។ កិច្ចសន្យារបស់គាត់នឹងផុតកំណត់នៅឆ្នាំ២០២៦ ប៉ុន្តែការចរចាដើម្បីបន្តវាមិនមានដំណើរការលឿនដូចការរំពឹងទុកនោះទេ។

គួររំលឹកឡើងវិញថា វាមិនមែនជាលើកទីមួយទេ ដែល PSG ព្យាយាមឆក់យកតារាពី Barcelona។ កាលពីមុន ពួកគេបានគ្រប់គ្រងយក Neymar, Messi និង Dembélé ដែលបង្កឱ្យមានភាពតានតឹងរវាងក្លឹបទាំងពីរ។

ទន្ទឹមនឹងនេះ De Jong រកឃើញខ្លួនឯងស្ថិតនៅលើផ្លូវបំបែក។ តួនាទីរបស់គាត់នៅ Barcelona នៅតែមានសារៈសំខាន់ ប៉ុន្តែការទាក់ទាញពី PSG រួមជាមួយនឹងលទ្ធភាព នៃការកែលម្អលក្ខខណ្ឌសេដ្ឋកិច្ច អាចធ្វើឱ្យគាត់ពិចារណាឡើងវិញ អំពីអនាគតរបស់គាត់។ 

ក្នុងពេលនេះ Barcelona នៅតែផ្តោតលើការបញ្ចុះបញ្ចូលគាត់ឲ្យបន្តកិច្ចសន្យា និងជៀសវាងការបាត់បង់កីឡាករ ដែលមានទេពកោសល្យផ្សេងទៀត ទៅកាន់ទីក្រុងប៉ារីស៕