គ្រូបង្វឹករបស់ Ajax ត្រូវបានគេសរសើរថា ជាបេក្ខភាពនាំមុខគេ ក្នុងការជំនួសតំណែងលោក Ralf Rangnick នៅចុងបញ្ចប់ នៃរដូវកាលនេះ។

Gary Neville បានអះអាងថា បទពិសោធន៍របស់ Donny van de Beek នៅ Old Trafford អាចធ្វើឱ្យ Erik ten Hag លែងចូលរួមជាមួយនឹង Manchester United ។

Van de Beek លេងក្រោមការដឹកនាំរបស់ Ten Hag នៅ Johan Cruyff Arena អស់រយៈពេល ៣ឆ្នាំមុនពេលចូលរួមជាមួយ United ក្នុងតម្លៃ ៣៥លានផោន (45 លានដុល្លារ) ក្នុងឆ្នាំ២០២០ ប៉ុន្តែបានបរាជ័យក្នុងការបង្ហាញពីតម្លៃរបស់គាត់នៅ Manchester។​ Neville មានការព្រួយបារម្ភថា Van de Beek អាចមានឥទ្ធិពលលើការសម្រេចចិត្តចុងក្រោយរបស់​ Ten Hag។ 

"ប្រសិនបើអ្នកជា Ten Hag ខ្ញុំគិតថា អ្នកកំពុងទូរស័ព្ទទៅ Van de Beek។ តើវាយ៉ាងម៉េចដែរ Donny? តើគាត់នឹងមិននិយាយអ្វីល្អដែរទេ?"។ "ប្រសិនបើអ្នកក្រឡេកមើលអ្វីដែល Manchester United កំពុងធ្វើចំពោះកីឡាករ គ្មាននរណាម្នាក់ដែលរីកចម្រើននោះទេ។ មើលអ្វីដែលពួកគេបានធ្វើចំពោះ Donny van de Beek" វីរបុរសរបស់ក្រុមបិសាចក្រហម បាននិយាយនៅលើគេហទំព័រ Sky Sports៕