Manchester United បានបញ្ជូនអ្នកសង្កេតការណ៍ទៅមើលខ្សែបម្រើស្លាបរបស់ Porto កីឡាករ Luis Diaz កាលពីសប្តាហ៍មុន ខណៈដែលបិសាចក្រហមថ្លឹងថ្លែងលើការដេញថ្លៃ សម្រាប់តារាកូឡុំប៊ីរូបនេះ។

បន្ទាប់ពីបង្ហាញទម្រង់លេងដ៏ល្អ សម្រាប់ក្លឹបយក្សព័រទុយហ្គាល់​ Diaz បានទាក់ទាញការចាប់អារម្មណ៍ពីក្លឹបអឺរ៉ុបជាច្រើន ក្នុងរយៈពេលប៉ុន្មានខែថ្មីៗនេះ​។ 

Diaz បានស៊ុតបញ្ចូលទី ១៦គ្រាប់ និងបញ្ជូនបាល់​ជំនួយ៦ដង​ ក្នុងការបង្ហាញខ្លួន ២៨លើក​ ដែលជួយឱ្យក្រុម Porto ឡើងទៅកាន់កំពូលតារាង ក្នុងក្របខ័ណ្ឌ Primeira Liga ដែលពួកគេនាំមុខ ៦ពិន្ទុលើក្រុម Sporting Lisbon។

មានសេចក្ដីរាយការណ៍ថា បើក្លឹបណាចង់បាន Diaz ត្រូវត្រៀមកញ្ចប់លុយធំ សម្រាប់ការផ្ទេររហូតដល់ ៦៧លានផោន ខណៈកុងត្រារបស់គេនៅសល់ ២ឆ្នាំកន្លះទៀត។ 

លោក Ralf Rangnick កំពុងរៀបចំក្រុមរបស់គាត់ សម្រាប់អ្នកគ្រប់គ្រងអចិន្ត្រៃយ៍បន្ទាប់របស់ United នៅរដូវក្តៅ នៅពេលដែលគ្រូបង្វឹកសញ្ជាតិអាល្លឺម៉ង់រូបនេះ នឹងដកខ្លួនចេញពីតំណែង ហើយបន្តតួនាទីជាប្រឹក្សាក្លឹបរបស់គាត់៕ ប្រភព៖ Daily Mail