Cristiano Ronaldo កំពុង​តែហ្វឹកហាត់​សម្រាប់​ការ​វិល​ត្រឡប់​ទៅកាន់​ Manchester United ដែលការហ្វឹកហាត់​នេះ កំពុងតែធ្វើឡើង​នៅ Real Mallorca។ 

តារាឆ្នើមរបស់ Man United  បានបង្ហោះរូបថតថ្មីមួយសន្លឹករបស់គាត់នៅលើបណ្ដាញសង្គម​ ដែលបង្ហាញថា គាត់កំពុងតែហ្វឹកហាត់នៅ​ Real Mallorca មុនរដូវកាលថ្មីមកដល់។

Ronaldo បានចំណាយវិសមកាលរដូវក្តៅរបស់គាត់នៅឯ​ Mallorca​ បន្ទាប់ពីបញ្ចប់ការប្រកួតរដូវកាល២០២១/២២។  Ronaldo បានចែករំលែករូបភាពខ្លួនឯងក្នុង Instagram នៅឯទីលានហ្វឹកហាត់របស់ក្លឹប La Liga ជាមួយនឹងសញ្ញាបញ្ជាក់ថា រូបគាត់បានត្រៀមរួចរាល់។

កីឡាករស៊ុតបញ្ចូលទីបានច្រើនជាងគេរបស់ Man Utd កាលពីរដូវកាលមុន ហាក់ត្រៀមខ្លួនបានយ៉ាងល្អ ហើយពិតជាបានឆ្លងកាត់ការហ្វឹកហាត់ក្នុងទឹកដីអេស្ប៉ាញ។ ពាក្យចចាមអារ៉ាមក្នុងប៉ុន្មានថ្ងៃថ្មីៗនេះ បានភ្ជាប់ Ronaldo ជាមួយនឹងការផ្ទេរចេញពី Old Trafford បន្ទាប់ពី United បរាជ័យក្នុងការចូលរួមប្រកួតក្របខណ្ឌ Champions League៕