ទីបំផុតក្រុម Manchester United កំពុងតែឈានដល់កិច្ចព្រមព្រៀងមួយ ដើម្បីនាំយកលើកីឡាករ Frenkie de Jong បន្ទាប់ពីមានការចចារជាយូរណាស់មកហើយ ជាមួយនិង Barcelona​។ 

ក្លឹបទាំងពីរបានយល់ព្រមជាមួយទឹកប្រាក់​ ៧១លានផោន (៨៤លានដុល្លារ) ដើម្បីនាំយកគោលដៅកីឡាករកំពូលរបស់លោក​ Erik ten Hag ជាមួយនឹងលក្ខខណ្ឌផ្ទាល់ខ្លួន មិនត្រូវបានចោទជាបញ្ហា សម្រាប់កីឡាករអន្តរជាតិហូឡង់នោះទេ។

ទោះបីជាមានការបញ្ជាក់ជាសាធារណៈរបស់ខ្សែបម្រើរូបនេះថា គាត់មានបំណងលេងបន្តនៅ Camp Nou ក៏ដោយ ក៏ United នៅតែមានទំនុកចិត្តថា កីឡាកររូបនេះ បើកចំហចំពោះការផ្លាស់ប្តូរទៅកាន់ Old Trafford និងការជួបជុំជាមួយអតីតអ្នកគ្រូបង្វឹករបស់គាត់ អំឡុងពេលដែលលេងនៅ Ajax ។ 

United និង Barca បានយល់ព្រមលើតម្លៃក្រៅផ្លូវការប្រហែលជា​៥៥លានផោន (៦៥លានដុល្លារ) កាលពីដើមរដូវក្តៅនេះ ប៉ុន្តែវាត្រូវបានគេជឿថា បច្ចុប្បន្ននេះអាចឡើងដល់ ៦៣លានផោន (៧៤.៥លានដុល្លារ) ដោយមិនទាន់បូកបញ្ចូលអត្ថប្រយោជន៍បន្ថែមនោះទេ៕