កីឡាករ​វ័យ២៨ឆ្នាំ​ ត្រូវ​បាន​ទទួល​ការស្វាគមន៍​យ៉ាង​ពិសេស​នៅ​រដ្ឋធានីរបស់​អ៊ីតាលី ខណៈ​ដែលមា​អ្នក​គាំទ្រ​រាប់​ពាន់​នាក់​បាន​ចូលរួមទទូលរូបគាត់។ 

Paulo Dybala បានទទួលការស្វាគមន៍ដ៏អធឹកអធមក្នុងការទៅកាន់ក្រុម Roma កាលពីថ្ងៃអង្គារ ខណៈដែលមានអ្នកគាំទ្រជាច្រើនពាន់នាក់របស់ក្របខ័ណ្ឌ Serie A បានមកចូលរួមទទួលរូបគាត់។​ តារាឆ្នើមរបស់អាហ្សង់ទីនបានមកដល់វិមាន Palazzo della Civilta Italiana ដ៏ល្បីល្បាញរបស់ទីក្រុងរ៉ូម ដែលត្រូវបានគេស្គាល់ថាជា Square Colosseum ដើម្បីផ្តល់ឱ្យអ្នកគាំទ្ររបស់ក្លឹបរដ្ឋធានី បានទស្សនារូបគាត់ជាលើកដំបូងនៅក្នុងអាវ Giallorossi ដ៏ល្បីល្បាញ។

Dybala បានផ្លាស់ប្តូរទៅចូលរួមក្រុមរបស់លោក Jose Mourinho ក្នុងការផ្ទេរដោយឥតគិតថ្លៃ បន្ទាប់ពីចាកចេញពី Juventus នៅចុងបញ្ចប់នៃរដូវកាលមុន។

នៅចុងសប្តាហ៍នេះ អាវជាង ៥០០,០០០ ដែលមានឈ្មោះ និងលេខរបស់ Dybala ត្រូវបានលក់ដោយហាងរបស់ក្លឹប ដោយបំបែកកំណត់ត្រាសម្រាប់អាវដែលលក់បានច្រើនបំផុតរបស់ Cristiano Ronaldo នៅ Juventus៕