គ្រូបង្វឹក Manchester United លោក Erik ten Hag រំពឹងថា Cristiano Ronaldo នឹងបន្តនៅក្លឹបផុតពីរដូវក្តៅនេះ។

Ten Hag ក៏និយាយផងដែរថា ក្លឹបនឹងមិនទិញកីឡាករថ្មីផ្សេងទៀតដែរ មុនថ្ងៃផុតកំណត់ទីផ្សារដោះដូរកីឡាករនៅថ្ងៃព្រហស្បតិ៍​ នៅពេលដែលការចុះហត្ថលេខារបស់ Antony និង Martin Dubravka ត្រូវបានបញ្ចប់។

United បានយល់ព្រមលើកិច្ចព្រមព្រៀងតម្លៃ ៨១.៣លានផោន ដើម្បីចុះហត្ថលេខាលើខ្សែបម្រើស្លាប Antony ពី Ajax ខណៈដែលពួកគេជិតនឹងផ្ទេរយកអ្នកចាំទី Dubravka ពី Newcastle United ។

នៅ​ពេល​សួរ​អំពី​ខ្សែ​ប្រយុទ្ធ​វ័យ​៣៧​ឆ្នាំ Ronaldo លោក Ten Hag បាន​បន្ថែម​ថា៖ “វា​ច្បាស់​ណាស់ យើង​ត្រូវ​ការ​កីឡាករ​ដែល​មាន​គុណភាព។”

Ronaldo ដែលជាអ្នកស៊ុតបញ្ចូលទីបានច្រើនជាងគេកាលពីរដូវកាលមុន​ ដោយរកបាន២៤គ្រាប់ នៅក្នុងគ្រប់ការប្រកួតទាំងអស់នោះ មានបំណងចាកចេញពី Old Trafford នៅរដូវក្តៅនេះ៕