ខ្សែបម្រើស្លាបវ័យ ១៧ឆ្នាំ បានមកទឹកដីប្រទេសអេស្ប៉ាញ កាលពីខែមករា ផ្លាស់ពី Eintracht Frankfurt ដោយមានមនុស្សជាច្រើនចាត់ទុករូបគេជាកីឡាករ ដែលមានទេពកោសល្យវ័យក្មេងម្នាក់ក្នុងប្រទេស។

កីឡាករវ័យ ១៧ឆ្នាំរូបនេះ បានមកដល់ Catalunya នៅដើមខែមករា ហើយភ្លាមៗនោះ ត្រូវបានចុះកិច្ចសន្យារយៈពេល ២ឆ្នាំកន្លះ ដែលមានតម្លៃខ្លួនរហូតដល់ ១០០លានអឺរ៉ូ។

ជាមួយនឹងការមកដល់របស់កីឡាករ Ferran Torres, Adama Traore និង Pierre-Emerick Aubameyang ក្លឹប Barcelona បានបញ្ចប់នូវអ្វីដែលអ្នកចាត់ការ Xavi គ្រោងនឹងធ្វើនៅក្នុងទីផ្សារដោះដូរកីឡាករខែមករាគឺ ដើម្បីពង្រឹងខ្សែប្រយុទ្ធរបស់ក្រុម។

គាត់មិនដែលសង្ឃឹមថា នឹងបានលេងក្រុមដំបូងឡើយ ហើយជំនួសមកវិញបានលេងត្រឹមតែ ៨ប្រកួតប៉ុណ្ណោះ សម្រាប់ក្រុមអាយុក្រោម ១៩ឆ្នាំរបស់ Eintracht ដោយស៊ុតបញ្ចូលទីបានពីរគ្រាប់។

នៅពេលដែលទីផ្សារដោះដូររដូវរងារមកដល់ គាត់បានត្រៀមខ្លួនចេញពី Deutsche Bank Park។ ទោះបីជា Madrid បានបង្ហាញចំណាប់អារម្មណ៍ម្តងទៀតក៏ដោយ ប៉ុន្តែលើកនេះ Barcelona ហាក់បីដូចជាមានគោលដៅដ៏ល្អ ជាពិសេសចាប់តាំងពី Xavi បានបង្ហាញឆន្ទៈក្នុងការផ្តល់ឱកាសដល់យុវជនក្នុងអំឡុងពេលប៉ុន្មានខែដំបូងរបស់គាត់ដែលគាត់កាន់តំណែង។

Blanco ទំនងជានឹងនៅជាមួយក្រុម 'B' រហូតដល់មានការជូនដំណឹងបន្ថែម ដោយសារការមកដល់ថ្មីក្នុងក្រុមរបស់ Xavi។ បច្ចុប្បន្ននេះ មានជម្រើសដែលមានបទពិសោធន៍ច្រើន ដើម្បីជ្រើសរើសក្នុងតំបន់ប្រយុទ្ធ៕