Erling Haaland បានប្តេជ្ញាថា នឹងផ្តល់ឱ្យកាន់តែច្រើនសម្រាប់ Manchester City នៅឆ្នាំ២០២៣ បន្ទាប់ពីបំបែកកំណត់ត្រា Premier League មួយផ្សេងទៀតក្នុងការប្រកួតទល់និង Everton។

Haaland បានបំបែកកំណត់ត្រាគ្រប់ប្រភេទ នៅក្នុងពាក់កណ្តាលរដូវកាលដំបូងនៅ Man City រួមទាំងកីឡាករដែលលឿនបំផុត ក្នុងការរកគ្រាប់បាល់បាន ២០គ្រាប់ នៅ Premier League និងការស៊ុតបញ្ចូលទីបានច្រើនគ្រាប់ជាប់ៗគ្នា ក្នុងការប្រកួតក្នុងដី។

ខ្សែប្រយុទ្ធសញ្ជាតិន័រវេរូបនេះ បានបង្ហោះវីដេអូមួយនៅលើ Twitter មុនដាច់ឆ្នាំ២០២២ ហើយបានសរសេរថា "សួស្តីអ្នកទាំងអស់គ្នា ឆ្នាំនេះបានផ្តល់ការផ្លាស់ប្តូរជាច្រើន ប៉ុន្តែសំខាន់បំផុតគឺការផ្លាស់ប្តូរឲ្យល្អបំផុត។ សូមអរគុណសម្រាប់ក្តីស្រឡាញ់ទាំងអស់។ នៅឆ្នាំ២០២៣ ដូចដែលខ្ញុំតែងតែនិយាយ នឹងមានរឿងជាច្រើនទៀត"៕