ខ្សែការពារស្លាបឆ្វេង Andy Robertson ទទូចថាក្រុមហង្សក្រហម Liverpool មិននឹក Sadio Mane ឡើយ ដោយកីឡាករ Darwin Nunez និង Luis Diaz មានសមត្ថភាពល្អគ្រប់គ្រាន់អាចបំពេញចន្លោះប្រហោងនៃតំបន់ប្រយុទ្ធ។

Liverpool បានធ្វើការលាគ្នាជាមួយកីឡាករដែលរកបាន ១២០គ្រាប់ សម្រាប់ក្លិបក្នងរយៈពេល៦រដូវកាល ក្នុងការផ្លាស់ប្តូរយ៉ាងភ្ញាក់ផ្អើលមួយទៅទឹកដី Bayern Munich កាលពីរដូវក្តៅឆ្នាំ២០២២។ ថ្វីត្បិតតែ Liverpool រដូវកាលនេះ ហាក់មានភាពដុនដាបក្រោយការចាកចេញរបស់ Mane តែ Robertson បានបញ្ជាក់ថា នៅមានកីឡាករផ្សេងៗទៀត ដែលអាចមានឥទ្ធិពលខ្លាំងដូច Mane បើសិនជាកីឡាករទាំងនោះជាសះស្បើយធម្មតា។

Robertson បាននិយាយថា "តាមពិតទៅ ពួកយើងមិននឹក Mane ទេ។ កុំគិតក្នុងន័យអាក្រក់ ខ្ញុំនឹង Mane មានទំនាក់ទំនងជាមួយគ្នាល្អណាស់នៅពេលលេងឲ្យ Liverpool ប៉ុន្តែយើងក៏មានកីឡាករល្អមួយចំនួន ដែលអាចលេងតំណែងរបស់ Mane បានដែរ។ ពួកយើងមាន Darwin Nunez, Luis Diaz ក៏ដូចជា Diogo Jota ផងដែរ"៕