អតីតអ្នកចាត់ការរបស់ក្លិបបិសាចក្រហម Manchester United លោក Ralf Rangnick បានសារភាពថា ការខ្ចីជើងរបស់ Marcel Sabitzer ទៅ Manchester United បានផ្តល់ឲ្យគាត់នូវទំនុកចិត្តដ៏ធំមួយ។

Sabitzer រកបាន2គ្រាប់សម្រាប់ក្រុមជម្រើសជាតិអូទ្រីសដែលដឹកនាំដោយលោក Rangnick ហើយគ្រូបង្វឹករូបនេះក៏បានចាប់អារម្មណ៍អំពីភាពខុសគ្នារបស់ខ្សែបម្រើរូបនេះ ចាប់តាំងពីការផ្លាស់ចេញពី Bayern Munich ក្នុងលក្ខខណ្ឌខ្ចីជើង។

Rangnick បានប្រាប់ទៅកាន់អ្នករាយការណ៍ព័ត៌មានថា "ការលេងរបស់ Sabitzer គឺពិតជាល្អខ្លាំង គេជាកីឡាករដែលមានគុណភាពមួយរូប។ ការផ្លាស់ប្តូររបស់គេ អាចជាជម្រើសមួយដ៏ល្អសម្រាប់ខ្លួនគេផ្ទាល់។ រូបគេហាក់មានទំនុកចិត្តច្រើនជាងកាលគេនៅ Bayern"៕