កីឡាករចំណូលថ្មីរបស់​ Real Madrid កីឡាករ Jude Bellingham បាននិយាយក្នុងអំឡុងពេលធ្វើបទបង្ហាញខ្លួនរបស់គាត់ដំបូង ជាមួយក្លឹបកាលពីថ្ងៃព្រហស្បតិ៍ថា គាត់ចង់ឃើញ Kylian Mbappe ចូលលេងជាមួយគាត់។

ខ្សែបម្រើវ័យ១៩ឆ្នាំរូបនេះបានចុះកិច្ចសន្យារយៈពេល៦ឆ្នាំនៅ Bernabeu ហើយនឹងពាក់អាវលេខ៥ ដែលពីមុនត្រូវបានពាក់ដោយតារាក្នុងចិត្តរបស់គាត់គឺកីឡាករ Zinedine Zidane​ នៅរដូវកាលក្រោយ។

Madrid បានបញ្ជាក់ពីកិច្ចព្រមព្រៀងក្នុងការចុះហត្ថលេខាលើខ្សែបម្រើសញ្ជាតិសញ្ជាតិអង់គ្លេស ជាកិច្ចព្រមព្រៀងដែល Dortmund បាននិយាយថាមានតម្លៃដំបូង១០៣លានអឺរ៉ូ (១១១លានដុល្លារ) ជាមួយនឹងទឹកប្រាក់ផ្សេងទៀតដែលអាចមានតម្លៃរហូតទៅ៣០លានអឺរ៉ូ (៣២លានដុល្លារ) ដែលនឹងត្រូវកំណត់នៅថ្ងៃពុធ៕