Real Madrid បានចុះហត្ថលេខាលើកីឡាករសញ្ជាតិអេស្ប៉ាញ Joselu ក្នុងលក្ខខណ្ឌខ្ចីជើងរយៈពេលមួយរដូវកាលពី Espanyol ជាមួយនឹងជម្រើសក្នុងការទិញនៅចុងបញ្ចប់រដូវកាលនេះ។

Joselu វ័យ៣៣ឆ្នាំ គឺជាកីឡាករស៊ុតបញ្ចូលទីច្រើនជាងគេទី៣ របស់ La Liga កាលពីរដូវកាលមុន ដោយស៊ុតបញ្ចូលទីបាន១៦គ្រាប់ បើទោះបីជាក្រុមរបស់គាត់ ត្រូវបានកាត់ចោលពីលីគកំពូលក៏ដោយ។

អតីតខ្សែប្រយុទ្ធ Stoke City និង Newcastle United រូបនេះ ក៏បានស៊ុតបញ្ចូលទីក្នុងការឈ្នះពាន Nations League របស់អេស្ប៉ាញផងដែរ។

ការចុះហត្ថលេខារបស់ Joselu គឺបន្ទាប់ពីការចាកចេញរបស់ខ្សែប្រយុទ្ធ Karim Benzema ដែលបានចូលរួមជាមួយក្លឹបអារ៉ាប៊ីសាអូឌីត Al-Ittihad៕