ខ្សែបម្រើរបស់ Barcelona កីឡាករ​ Sergio Busquets នឹងចូលរួមជាមួយអតីតមិត្តរួមក្រុម Lionel Messi នៅ​ Inter Miami FC នៅរដូវក្តៅនេះ។

កិច្ចសន្យារបស់ Busquets ជាមួយ Barca នឹងផុតកំណត់នៅចុងខែមិថុនានេះ។ 

ហើយបន្ទាប់ពីបានប្រកាសពីការសម្រេចចិត្តរបស់គាត់ ដោយបញ្ចប់រយៈពេល១៨ឆ្នាំរបស់គាត់នៅ Spotify Camp Nou គាត់ក៏ត្រូវបានស្នើពីក្លឹបនៅសហរដ្ឋអាមេរិក និងអារ៉ាប៊ីសាអូឌីត ផងដែរ។ 

គាត់នឹងត្រូវជួបជុំគ្នាជាមួយនឹងម្ចាស់ពានរង្វាន់ Ballon d'Or ប្រាំពីរសម័យ Messi វិញនៅ South Florida ដែលបានប្រកាសពីចេតនារបស់គាត់ ក្នុងការផ្លាស់ទៅ MLS នៅដើមខែនេះ បន្ទាប់ពីការផុតកំណត់នៃកិច្ចសន្យាជាមួយ Barcelona៕