ប្រភពបានប្រាប់ ESPN កាលពីថ្ងៃពុធថា Manchester United បានប្រាប់ Inter Milan ថាពួកគេត្រៀមខ្លួនជាស្រេចក្នុងការផ្តល់ជូនតម្លៃ៤០លានផោន (៥១​ លានដុល្លារ) សម្រាប់អ្នកចាំទី Andre Onana ។

ការពិភាក្សាជាមួយនឹងតំណាងរបស់ Onana ដែលបានចាប់ផ្តើមកាលពីសប្តាហ៍មុនទទួលបានលទ្ធផល ហើយ United បានត្រៀមខ្លួនរួចរាល់​ដើម្បីសាកល្បងការដោះស្រាយជាមួយ Inter ជាមួយនឹងកញ្ចប់ទឹកប្រាក់ប្រហែល ៣៩លានផោន បូកជាមួយប្រាក់បន្ថែមផ្សេងទៀត។

តម្លៃរបស់ Inter ដែលបានរំពឹងទុក​ គឺច្រើនជាង៥០លានផោន ប៉ុន្តែមានសង្ឃឹមថាការសម្របសម្រួលមួយអាចនឹងកើតឡើង។ 

ក្លឹបនៅ Serie A ដឹងពីបំណងរបស់ Onana ក្នុងការផ្លាស់ទៅ Old Trafford ជាកន្លែងដែលគាត់នឹងជួបជាមួយអតីតគ្រូបង្វឹករបស់ Ajax​ លោក Erik ten Hag៕