Real Madrid បាន​បញ្ចប់​ការ​ចុះ​ហត្ថលេខា​លើ​កីឡាករ​តួ​ក​គី​វ័យ​១៨​ឆ្នាំ Arda Guler ពី Fenerbahce ជាស្ថាពរ។

Arda Guler ត្រូវបានដាក់ឈ្មោះថា 'The Turkish Messi' គាត់បានចុះហត្ថលេខាលើកិច្ចសន្យារយៈពេល៦ឆ្នាំនៅ Bernabeu ជាកន្លែងដែលគាត់នឹងលេងជាមួយ Jude Bellingham ។ 

Guler ស៊ុតបញ្ចូលទីបាន៤គ្រាប់ និងបញ្ជូនបាល់ឱ្យមិត្តរួមក្រុមចំនួន៤ដងកាលពីរដូវកាលមុន ដោយបានបង្ហាញខ្លួននៅក្នុងការប្រកួតវគ្គផ្តាច់ព្រ័ត្រ Turkish Cup​ ។

កាល​ពី​ខែ​មុន Guler​ ​បាន​ក្លាយ​ជា​កីឡាករ​ក្មេង​បំផុត​ដែល​រក​គ្រាប់​បាល់​បាន​ឱ្យ​ប្រទេស​ Turkey​ ។

Guler បានបង្ហាញខ្លួនជាលើកដំបូងនៅ Fenerbahce នៅអាយុត្រឹមតែ១៦ឆ្នាំប៉ុណ្ណោះ ហើយបញ្ជូនបាល់ឱ្យមិត្តរួមក្រុមម្តងក្នុងការលេងនៅ Super Lig ជាលើកដំបូងរបស់គាត់៕