កីឡាករ​ Alex Telles ដែលជាខ្សែការពារស្លាបឆ្វេងរបស់​ Manchester United និង Brazil​ បានចាកចេញពី United ដើម្បីចូលរួមជាមួយ Al-Nassr ក្នុងការផ្ទេរអចិន្ត្រៃយ៍។

Telles វ័យ៣០ឆ្នាំ នឹងជួបជុំជាមួយអតីតមិត្តរួមក្រុម Manchester United កីឡាករ Cristiano Ronaldo ដែលបានចុះហត្ថលេខាជាមួយក្លឹប Saudi Pro League កាលពីខែមករា។

Telles បានបង្ហាញខ្លួន៥០ប្រកួតសម្រាប់ United បន្ទាប់ពីប្តូរមកពី Porto ក្នុងតម្លៃ ១៣.៦ លានផោនកាលពីឆ្នាំ២០២០ ប៉ុន្តែ​រដូវកាលមុនកីឡាកររូបនេះត្រូវទៅលេងនៅ Sevilla​ ក្នុងលក្ខខណ្ឌខ្ចីជើងដោយសារតែពិបាកនឹងមានឱកាសលេងក្នុងជម្រើសក្រុម១១នាក់ដំបូង។

សូមបញ្ជាក់ដែលថា​ Telles ក៏បានជួយឱ្យ Sevilla​ ឈ្នះពាន Europa League កាលពីរដូវកាលមុន​ ដោយការស៊ុតបាល់ប៉េណាល់ទី​យកឈ្នះលើ​ Roma​ ក្នុងវគ្គផ្តាច់ព្រ័ត្តផងដែរ៕