អ្នកអង្គម្ចាស់ Sheikh Jassim អាចនឹងក្លាយជាម្ចាស់ថ្មីរបស់ក្លឹប Manchester United
អ្នកអង្គម្ចាស់ Sheikh Jassim bin Hamad Al Thani របស់ប្រទេសកាតា បានធ្វើការដេញថ្លៃជាលើកទីប្រាំដើម្បីទិញក្លឹប Manchester United នៅដើមសប្តាហ៍នេះ បន្ទាប់ពីគ្រួសារ Glazer ដែលជាម្ចាស់ក្លឹបបច្ចុប្បន្នបានប្រកាសលក់កាលពីខែវិច្ឆិកា។
សូមបញ្ជាក់ថា នេះនឹងក្លាយជាការដេញថ្លៃចុងក្រោយរបស់អ្នកអង្គម្ចាស់ Sheikh Jassim ហើយចាប់ពីថ្ងៃសុក្រនេះតទៅគាត់នឹងមិនលូកដៃក្នុងរឿងនេះទៀតទេ។
ការដេញថ្លៃនេះនឹងគ្រប់គ្រងមួយរយភាគរយ ពោលគឺជម្រះបំណុលរបស់ United ទាំងស្រុង និងផ្តល់ជូនទឹកប្រាក់ដាច់ដោយឡែកសម្រាប់ក្លឹប និងសហគមន៍មូលដ្ឋានផងដែរ។
ដោយតួលេខនៅក្នុងខែមីនាបានបង្ហាញថា United មានបំណុលសរុប ៩៦៩.៦ លានផោន តាមរយៈការខ្ចីប្រាក់ពីធនាគារ និងថ្លៃផ្ទេរប្រាក់ដែលមិនទាន់មានការទូទាត់ជាមួយនឹងផ្នែកដែលពាក់ព័ន្ធ៕
ព័ត៌មានទាក់ទង
៣០ឆ្នាំមុន ថ្ងៃនេះ៖ វីរៈបុរស René Higuita ធ្វើឲ្យពិភពលោកភ្ញាក់ផ្អើល
វិភាពការប្រកួតរវាង អាម៉ានៀ vs ព័រទុយហ្កាល់
