Manchester City បានទទួលយកសំណើដែលមិនបញ្ចេញឱ្យដឹងពីតម្លៃដែល Al-Nassr ផ្តល់ឱ្យសម្រាប់នាំយកខ្សែការពារសញ្ជាតិអេស្ប៉ាញ Aymeric Laporte ។

Manchester City បានចុះហត្ថលេខាលើ Laporte ពី Athletic Bilbao ក្នុងខែមករា ឆ្នាំ២០១៨ ក្នុងតម្លៃ ៥៧លានផោន។

ក្នុងរដូវកាលឈ្នះពានបីរបស់​ Manchester City កីឡាករវ័យ ២៩ឆ្នាំរូបនេះ មិនបានបង្ហាញខ្លួនក្នុងការប្រកួតច្រើនប៉ុន្មានទេ​ ដោយលោក Pep Guardiola បានជ្រើសរើសកីឡាករ​ Manuel Akanji និង Nathan Ake ញឹកញាប់ជាង។​ 

Laporte បានបង្ហាញខ្លួនសរុបចំនួន ១៨០ប្រកួតសម្រាប់ក្លឹប ដោយស៊ុតបញ្ចូលទីបាន ១២គ្រាប់ និងបានបង្ហាញខ្លួន ២២លើកសម្រាប់ក្រុមអេស្ប៉ាញ ដែលជួយឱ្យ Manchester City ឈ្នះពានរង្វាន់ UEFA Champions League វគ្គផ្តាច់ព្រ័ត្រក្នុងខែមិថុនា។

Laporte នឹងចូលរួមជាមួយ Cristiano Ronaldo, Sadio Mane, Marcelo Brozovic និង Alex Telles នៅ Al-Nassr​៕