Bayern Munich កំពុងតែផ្លាស់ប្តូរចំណាប់អារម្មណ៍ទៅរក David de Gea ដើម្បីធ្វើជាអ្នកចាំទីថ្មីរបស់ក្លឹប ដោយហាក់យល់ឃើញថា វាដូចជាពិបាកក្នុងការស្វែងឱ្យកាសចុះហត្ថលេខាលើអ្នកចាំទី Stefan Ortega​ របស់​ Manchester City ។

ក្រោយចាកចេញពី Manchester United នៅចុងបញ្ចប់នៃរដូវកាលមុន De Gea ត្រូវបានគេរាយការណ៍ថា មានបំណងទៅចូលរួមជាមួយ Bayern Munich ។ ក៏ប៉ុន្តែ Ortega ដែលជាអ្នកចាំទីបម្រុងរបស់ក្រុម Manchester City ជាជម្រើសដែល​ Bayern Munich ពេញចិត្ត។

Bayern កំពុងស្វែងរកអ្នកជំនួសកន្លែងអ្នកចាំទី Yann Sommer ដែលបានចាកចេញទៅចូលរួមជាមួយ Inter និង Manuel Neuer ដែលពេលវេលានៃការជាសះស្បើយពីរបួសនៅសល់ប៉ុន្មានខែទៀត។ 

De Gea ស្ថិតក្នុងជម្រើសបញ្ជីអ្នកចាំទីដំបូងរបស់ Bayern នាពេលបច្ចុប្បន្ន​ ដោយសារតែអ្នកចាំទី​ Kepa Arrizabalaga​ ជាជម្រើសដែលលោក Tuchel ចង់បាន បានជ្រើសរើសទៅលេងជាមួយ Real Madrid ក្នុងលក្ខខណ្ឌខ្ចីជើងបាត់ទៅហើយ៕