Real Madrid​ ​មិន​បាន​ត្រៀម​ខ្លួន​ដើម្បី​រង់ចាំ​កីឡាករ​ Kylian Mbappe​ ចាកចេញពី PARIS Saint-Germain ទេ​ ខណៈ​ដែល​ Real Madrid​ បាន​ត្រៀម​ខ្លួន​រួចជា​ស្រេច​ក្នុង​ការ​ដេញ​ថ្លៃ។ 

យោងតាមកាសែតរបស់អាល្លឺម៉ង់ BILD អះអាងថា Real Madrid ត្រៀមនឹងផ្តល់ជូន Paris Saint-Germain តម្លៃ ១០៣លានផោន សម្រាប់កីឡាករ​ Kylian Mbappe នៅរដូវក្តៅនេះ។ Real Madrid នឹងធ្វើការដេញថ្លៃជាផ្លូវការទៅកាន់ PSG ត្រឹមតែបីថ្ងៃមុនទីផ្សារដោះដូរកីឡាករត្រូវបិត នៅថ្ងៃទី១ ខែកញ្ញា នេះបើយោងតាមការលើកឡើង។

Mbappe ដែលនឹងក្លាយជាកីឡាករឥតគិតថ្លៃនៅរដូវក្តៅក្រោយ ទើបតែត្រូវបានត្រលប់ចូលជាជម្រើសដំបូងរបស់ PSG វិញ​ ហើយបានងើបចេញពីកៅអីបំរ៉ុង ដោយស៊ុតបញ្ចូលទីគ្រាប់បាល់ស្មើ ១-១ ជាមួយ Toulouse ដោយការស៊ុតបាល់ប៉េណាល់ទី៕