Cristiano Ronaldo និង Sadio Mane ទាំងពីរនាក់ បានស៊ុតបញ្ចូលទី ៤ប្រកួតជាប់ៗគ្នា ដើម្បីជួយឱ្យ Al-Nassr​ ឈ្នះ​ ៤ប្រកួតជាប់ៗគ្នា នៅ Saudi Pro League ។

Ronaldo នាំមុខគេក្នុងតារាងគ្រាប់បាល់របស់លីគ​ ដោយមាន​ ៧គ្រាប់​ ជាមួយនឹង Mane តាមពីក្រោយមាន​ ៦គ្រាប់។

Al-Nassr ចាញ់​ ២ប្រកួតដំបូង នៃរដូវកាលថ្មី Saudi Pro League ប៉ុន្តែបច្ចុប្បន្នបានឈ្នះ​ ៤ប្រកួតចុងក្រោយ ចាប់តាំងពីពេលនោះមក។ 

ក្នុងការប្រកួតចុងក្រោយទល់នឹង​ Al-Raed ដែល​ Mane បានស៊ុតបាល់បញ្ចូលទីពីចម្ងាយ ១៧ម៉ែត្រក្នុងតង់ទី១ ខណៈដែលការអូសបាល់ស៊ុតបញ្ចូលទីដ៏ល្អរបស់ Ronaldo ជួយឱ្យ Al-Nassr ឈ្នះក្នុងលទ្ធផល ៣-១៕